Mousso-escourpioun-enarcado
Scorpiurium circinatum
Brachytheciaceae
Nom en français : Scorpiure à feuilles arquées.
Descripcioun :Aquelo mousso pluroucarpo, trachis sus li roco cauquiero de baus e de paret ounte fai de gràndi coulounìo bonodi si noumbróusi ramo irreguliero. Se vèi souvènt dins li coumbo umido. Es uno mousso de pichoto taio auto de 1 cm. Fai raramen d'espouroufite qu'es diouïco. Se recounèis à sa pichoto fueio en triangle qu'a uno forto costo e qu'es un pau dentado au bout. Li cellulo dis alo de fueio soun mai carrado.
Usanço :Lis àutri mousso dóu gènre Scorpiurium soun pulèu raro au nostre. Coumpara emé d'àutri mousso pluroucarpo de roco.
Port : Pluroucarpo
Taio : 0,6 à 1 cm
Fueio : 0,7 à 1 mm
Tipe bioulougico :
Cicle bioulougico : Planto renadivo
Gènre : Scorpiurium
Famiho : Brachytheciaceae
Ordre : Hypnales
Coulour de la flour :
Petalo : 1 à 1,5 cm
Ø (o loungour) flour : Coumplet
Flourido : Printèms
Sòu : Ca
Autour basso e auto : 50 à 1500 m
Aparado : Noun
Mars à mai
Liò : Baus à l'oumbro
- Roco à l'oumbro
- Paret à l'oumbro
- Code
Estànci : Mesoumediterran à Mountagnard
Couroulougi : Oulartico
Ref. sc. : Scorpiurium circinatum (Brid.) M.Fleisch. & Loeske, 1907
Artemiso
Artemisia vulgaris
Asteraceae Compositae
Àutri noum : Aussent-fòu, Absinto-de-sant-Jan.
Nom en français : Armoise commune.
Descripcioun :L'artemiso es uno grando planto que pòu faire mai d'un mètre d'aut. Si fueio soun proun dentado, meme aquéli d'en aut, au contro de li de Artemisia verlotiorum que ié sèmblo proun. Peréu l'artemiso sènt pas tant bon que sa cousino de Chino : artemiso-de-chino.
Usanço :"Se sabiés li vertu de l'artemiso,N'en garniriés l'orlo de ta camiso" (TdF). D'efèt èi bono contro li fèbre, li verme, lis espaime, en tisano e subretout pèr faire veni li règlo : "L'artemiso servié que quand lei fremo avien mau de vèntre. Acò fahié sourti li règlo. Pèr lou vèntre èro bouon l'artemiso." (G. Didon in J.-L. Domenge, EbV, op.cit.). Li jóuini brout se manjon en ensalado o pèr douna de goust à la carno. Pamens, coume pèr l'absinto, fau pas n'en prendre de trop.
Port : Grando erbo
Taio : 50 à 200 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Artemisia
Famiho : Asteraceae
Famiho classico : Compositae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 4 mm
Flourido :
Estiéu
Sòu : Ca
Autour basso e auto : 0 à 1600 m
Aparado : Noun
Liò : Ribiero
- Champ
- Escoumbre e proche dis oustau
- Camin
Estànci : Termoumediterran à Mountagnard
Couroulougi : Bourealo
Ref. sc. : Artemisia vulgaris L., 1753